RSS

Daily Archives: October 31, 2013

సుభాష్‌కు రామన్‌ ఫెలోషిప్‌!


 

 

* ‘అమెరికా’ ప్రయోగాలకు అనుమతి
కడప నగరం, న్యూస్‌టుడే :
యోగివేమన విశ్వవిద్యాలయం సూక్ష్మ జీవ శాస్త్ర సహాయాచార్యులు డాక్టర్‌ ఎం.సుబోష్‌చంద్రబోస్‌ రామన్‌ఫెలోషిప్‌కు ఎంపికై విశ్వవిద్యాలయ ఘనత పెంచారు. విశ్వవిద్యాలయ నిధుల సంఘం (యూజీసీ) ఈ ఫెలోషిప్‌ను అందచేసింది. భారతదేశంలోని యువశాస్త్ర వేత్తలు అంతర్జాతీయ పరిశోధనారంగంలో ఆధునిక పరిశోధనా పద్ధతులు, అందులో మెలకువలను ఆకళింపు చేసుకొని దేశంలో పరిశోధనల తీరును మెరుగుపరుస్తారు. అంతర్జాతీయ స్థాయికి అనుసంధానం చేయటానికి రామన్‌ఫెలోషిప్‌ తొలిసారిగా యోగి వేమ‌న వ‌ర్సిటీలో డాక్టర్‌ సుభోష్‌చంద్రకు రావటం విశేషం. ఈ ఫెలోషిప్‌ కింద ఆయనకు 3000 అమెరికన్‌ డాలర్లు అందుతాయి
.
* రామన్‌ఫెలోషిప్‌ కింద సుభోష్‌చంద్రకు అమెరికా వ్యవసాయ శాఖ ఆధ్వర్యంలో అక్కడి మ్యాడిసన్‌ పట్టణంలోని ‘అటవీ ఉత్పత్తుల ప్రయోగశాల’లో ఏడాది పాటు ప్రయోగాలు నిర్వహించేందుకు అనుమతి లభించింది. 1907లో ఏర్పాటు చేసిన ఈ ప్రయోగశాల నేడు జీవ వ్యర్థపదార్థాలు- జీవ ఇంధనాలపై కొనసాగే పరిశోధనలలో ప్రపంచంలోనే ఒక అగ్రగామి సంస్థగా పేరుంది. ఆ విశ్వవిద్యాలయంలోని జీవశాస్త్ర ఇంజినీరింగు విభాగంలో పనిచేస్తున్న ఆచార్య జున్‌యాంగ్‌జుతోపాటు డాక్టరు భోస్‌ పరిశోధనలో పాల్గొంటారు. ‘బయోలాజికల్‌ డిటాక్సిఫికేషన్‌ ఆఫ్‌ లిగ్నోసెల్లు లేసెస్‌ హైడ్రోలైసేట్స్‌ టు ఎన్‌హాన్స్‌ బయోఇథనాల్‌ డిటాక్సిఫికేషను /సెల్యులోసిక్‌ ఇథనాల్‌ ప్రొడక్షన్‌’ అనే అంశంపై సుభోష్‌ పరిశోధనలు నిర్వహించనున్నారు. ఈ సందర్భంగా ఆయన మాట్లాడుతు జీవ వ్యర్థపదార్థాల నుంచి జీవ ఇంధనాన్ని ఉత్పత్తి చేయటం ద్వారా వాతవరణ కాలుష్యాన్ని తగ్గించవచ్చని చెప్పారు. ఫెలోషిప్‌ రావటం పట్ల ఉపకులపతి ఆచార్య బేతనభట్ల శ్యామసుందర్‌ హర్షం వ్యక్తం చేశారు.

 

Advertisements
 
1 Comment

Posted by on October 31, 2013 in Uncategorized

 

సగం మంది ఎస్టీలకు చదువు శూన్యం


ఈనాడు-హైదరాబాద్: రాష్ట్రంలో ఎస్సీ,ఎస్టీల అక్షరాస్యత అధ్వానంగా ఉందని జాతీయ జనాభా గణన ప్రాథమిక నివేదిక నిగ్గుతేల్చింది. రాష్ట్రంలో గిరిజన అక్షరాస్యత దేశంలో అత్యల్పంగా నమోదైంది. ఎస్సీల అక్షరాస్యత చివరి నుంచి అయిదో స్థానానికి పరిమితమైంది. రాష్ట్ర సగటు కూడా చివరి నుంచి ఆరో స్థానంలో ఉంది. ఈ 2011 జనాభా గణన నివేదికను కేంద్ర ప్రభుత్వం అక్టోబరు 30న ఆన్‌లైన్‌లో ఉంచింది. దాని ప్రకారం.. రాష్ట్ర జనాభాలో 23 శాతం దాకా ఎస్సీ,ఎస్టీలున్నారు. ఎస్టీల్లో 49.2 శాతం మంది మాత్రమే అక్షరాస్యులు. బీహార్, ఒడిశాల కంటే మన రాష్ట్రంలో ఎస్టీల అక్షరాస్యత తక్కువగా ఉంది. ఎస్సీలలో 62.3 శాతం మాత్రమే అక్షరాస్యులున్నారు. అత్యధికంగా కేరళలో 88 శాతానికి పైగా అక్షరాస్యులున్నారు. రాష్ట్ర సగటు 67.7 ఉండగా మనకన్నా 22 రాష్ట్రాలు ముందున్నాయి.

 
Comments Off on సగం మంది ఎస్టీలకు చదువు శూన్యం

Posted by on October 31, 2013 in Uncategorized

 
 
%d bloggers like this: