RSS

Monthly Archives: November 2013

సత్వర నిర్ణయాలతోనే అభివృద్ధి


న్యూఢిల్లీ: దేశం శీఘ్రంగా అభివృద్ధి చెందాలంటే.. విధాన నిర్ణయాల్లో జాప్యం వద్దని, అదే సమయంలో దుడుకు నిర్ణయాలు తగవని రాష్ట్రపతి ప్రణబ్ ముఖర్జీ అన్నారు. యూపీఎస్సీ స్థాపక దినోత్సవాల్లో ”పరిపాలన, పౌర సేవలు” గురించి రాష్ట్రపతి నవంబరు 29న ప్రసంగించారు. దేశ శీఘ్ర అభివృద్ధి కోసం తీసుకునే నిర్ణయాలను ఆలస్యంగా తీసుకోవడం తగదని, అలా అనీ దుడుకుగా వ్యవహరించకూడని ఆయన చెప్పారు. నిర్ణయాలను వాయిదా వేయడం, పొడగించడం లాంటివి సమ్మతించదగినవి కాదని పేర్కొన్నారు. పరిపాలన విలువలకు యూపీఎస్సీ నిలయమని రాష్ట్రపతి అభివర్ణించారు. మెరుగైన పాలనకు పారదర్శకత, జవాబుదారీతనం ప్రాథమిక మూలాలని ప్రణబ్ పేర్కొన్నారు.

Advertisements
 
Comments Off on సత్వర నిర్ణయాలతోనే అభివృద్ధి

Posted by on November 30, 2013 in Uncategorized

 

పెట్రోలియం ఉత్పత్తుల పరిరక్షణపై వ్యాసరచన పోటీ


హైదరాబాద్: పెట్రోలియం కన్జర్వేషన్ రిసెర్చ్ అసోసియేషన్ (పీసీఆర్ఏ) పెట్రోలియం, సహజవాయువుల మంత్రిత్వ శాఖ, భారత ప్రభుత్వం ఆధ్వర్యంలో 6 నుంచి 10వ తరగతి వరకు చదువుతున్న విద్యార్థులకు జాతీయ స్థాయి వ్యాసరచన పోటీ నిర్వహిస్తోంది. ఈ మేరకు అధికారులు నవంబరు 29న ఒక ప్రకటన విడుదల చేశారు.
వ్యాస రచన పోటీ అంశాలు
……
1) చమురు, వాయువుల పరిరక్షణ, దైనందిన జీవితంలో దాని సంబంధం
.
2) చమురు పరిరక్షణను, ప్రవర్థమానం చేయడంలో యువత పాత్ర
.
3) చమురు పరిరక్షణ- ఒక విద్యుక్త ధర్మం అంతేకాని ఐచ్ఛికం కాదు
.
* వీటిలో ఏదో ఒక అంశాన్ని ఎంచుకోవచ్చు
.
పోటీ ఉద్దేశం: పెట్రోలియం ఉత్పత్తుల ప్రాధాన్యం గురించి, వాటి పరరక్షణ గురించి దేశ యువత తెలుసుకోవాలనే అంశంపై దృష్టి కేంద్రీకరించారు
.
నిబంధనలు…..

1) తమకిష్టమైన ఏ భాషలోనైనా పాఠశాల పోటీ నిర్వహించవచ్చు
.
2) విద్యార్థి రాసిన వ్యాసరచనను సంబంధిత పాఠశాలలు మూల్యాంకనం చేయలి
.
3) చేతితో రాసిన వ్యాసరచనలు మాత్రమే అంగీకరిస్తారు
.
నోట్: పీసీఆర్ఏకు విద్యార్థి నేరుగా వ్యాసాన్ని పంపితే అంగీకరించరు
.
ఎంపికైన వారికి అందించే బహుమతులు……

* ప్రథమ బహుమతి రూ. 25000+ ల్యాప్‌టాప్
.
* ద్వితీయ బహుమతి రూ
.25000.
* తృతీయ బహుమతి రూ
. 20000.
వ్యాసరచన ఎంట్రీలను పంపాల్సిన చివరి తేదీ: డిసెంబరు
13.
ఎంట్రీలను పాఠశాల నిర్వాహకులు తమ పరిధిలోని నోడల్ అధికారికి పంపాలి.

 
Comments Off on పెట్రోలియం ఉత్పత్తుల పరిరక్షణపై వ్యాసరచన పోటీ

Posted by on November 30, 2013 in Uncategorized

 

ఆంగ్లంపై ఇలా సాధించండి ప‌ట్టు!


ఆంగ్లంపై ఇలా సాధించండి ప‌ట్టు! * తరచూ మాట్లాడితే సులభతరం
* నిత్యసాధన త‌ప్పనిస‌రి
అమ్మ భాష మధురిమలను ఆస్వాదిస్తూనే.. భవితకు బాటలు వేసేలా ఆంగ్లం తోడుగా నేటి యువత అడుగులు వేయాల్సిన ఆవశ్యకత ఉంది. అక్షరాల నాడే మొదలవుతున్న ఈ ఆంగ్లపథం నేర్పుతున్న నడకలు విజయానికి బాటలు వేస్తున్నాయి. పదాలు.. వాటి ఉచ్చార‌ణ‌.. పద ప్రయోగం.. పద బంధం.. వ్యాకరణం.. లాంటి అంశాలపై పట్టు సాధించటం ద్వారా విద్యాలయాల నుంచి కొలువుల్లో అడుగిడే వరకు విజయం వెన్నంటి నిలవటం ఖాయం. శాస్త్ర సాంకేతిక రంగాల్లో రాణించాలన్నా.. మల్టీనేషనల్‌ కంపెనీల్లో ఉద్యోగం దరి చేరేలన్నా.. మేనేజ్‌మెంట్‌ గురు హోదా సొంతం కావాలన్నా ఆంగ్లమే ఆత్మీయ నేస్తమై నడిపిస్తుంది.. ఆంగ్లంతో కుస్తీ పట్టే విద్యార్థులు దాన్నో క్లిష్ట అంశంగా కాకుండా భవితకు బాటలు వేసే ఆత్మీయ వారధిలా భావించాల్సిందే. నిత్య చైతన్యంతో మనసుపెట్టి నేర్చుకుంటే జయం మీదే అంటున్నారు పాఠశాల, ఇంటర్‌, డిగ్రీ, వృత్తి విద్య కోర్సుల్లో విద్యార్థులను మేటిగా నిలుపుతున్న ఆంగ్ల నిపుణులు. ఇష్టంతో చదివితే మార్కుల పంట పండిచవచ్చని స్పష్టం చేస్తున్నారు నవతరం ప్రతినిధులు.
ఇలా చేస్తే.. మీ సొంతం
* ఆంగ్ల వ్యాకరణంపై పట్టు తప్పనిసరి.
* భాషాదోషాలు లేకుండా చూసుకోవాలి.
* ఆంగ్లం పుస్తకాలు, కథలు, పత్రికలు నిత్యం చదవాలి.
* రోజుకు అరగంట అయినా ఆంగ్లంలో మాట్లాడాలి.
* ఆంగ్ల బోధన సరళిని పరిశీలిస్తూ సాగాలి.
* భాషాపరమైన చర్చాగోష్టుల్లో పాల్గొనడం మంచిది.
* నిత్యం ఐదు కొత్తపదాలు నేర్చుకొని ఉపయోగించాలి.
* తరచూ చదివిన విషయాన్ని రాసుకుని సరి చూసుకోవాలి.
* పద వాడకంపై పట్టుకు మళ్లీ మళ్లీ రాయాలి.
* భాష వ్యక్తీకరణకు బృంద చర్చలు ఉపకరిస్తాయి.
* రోజూ కొంత‌సేపు బీబీసీ లాంటి ఛాన‌ళ్లు చూస్తూ ఉచ్చార‌ణ విధానాన్ని గ‌మ‌నించాలి.
క్షేత్ర అవసరాలకు అనుగుణంగా
ఆంగ్లంలో మంచి మార్కులు సాధించటానికి వ్యాకరణంపై పూర్తి అవగాహన ఉండాలి. అప్పుడే సులభంగా రాయగలం. తద్వారా మంచి ఉత్తమ మార్కులు వస్తాయి. పాఠ్యాంశాల్లో విషయాలనే కాదు.. క్షేత్రస్థాయిలో అవసరాలను దృష్టిలో ఉంచుకుని సాగాలి. ఏ రంగంలో రాణించాలని అనుకుంటున్నామో ఆ మేరకు ఆయా అంశాల పదబంధంపై పట్టు సాధించాలి. ముఖాముఖి స‌మ‌యంలో ఉచ్చారణ.. పద ప్రయోగం అంశాలపై తడబాటు లేకుండా ఉండాలి. ఆంగ్లంలో రోజూ 5 కొత్త పదాలు నేర్చుకుంటే మంచిది. తరగతి గదిలోనూ అధ్యాపకులు బోధించటమే కాకుండా విద్యార్థులతో మాట్లాడించాలి. అప్పుడే యువతకు భాషపై పట్టు వస్తుంది. అప్పుడే వారు లోపాలను అధిగమించి మేటిగా నిలుస్తారు. ఆంగ్లంలో అనర్గళంగా స్పష్టంగా మాట్లాడి విజయావకాశాలను సొంతం చేసుకోగలుగుతారు.
ఆంగ్లంలో రాణించాలంటే రాయడం, చదవడం, వినడం, మాట్లాడటం తప్పనిసరి. ప్రస్తుతం అన్నిచోట్ల రాయడం, చదవడం మాత్రమే జరుగుతోంది. అయితే వినడం, మాట్లాడటం చాలా తక్కువగా ఉంది. ఇందుకు నిత్య జీవితంలో పత్రికలు, పుస్తకాలు చదవాలి. ఏదో ఒక అంశం తీసుకుని మాట్లాడాలి.
పుస్తకాలు చదవాలి
ఆంగ్లం పుస్తకాలు బాగా చదవాలి. బోధన ఆంగ్లంలో ఉంటే మంచిది. బోధన ఏకపక్షంగా కాకుండా విద్యార్థులతో మమేకం అవుతూ సాగితే సత్ఫలితాలు ఇస్తుంది. రోజుకు 15 నిమిషాలు అయినా మాట్లాడాలి. బృంద చర్చలు ఇందులో భాగంగా మారితే లోపాలు తెలిసి విద్యార్థుల ఉన్నతికి ఉపకరిస్తుంది. చదివింది.. మననం చేసుకుంటూ రాసుకోవాలి. అందులో లోపాలు ఉంటే వాటిని సవరించుకొని మళ్లీ రాస్తే చాలా మంచిది. తద్వారా ప్రతి విషయం గుర్తుంటుంది. చిన్నచిన్న పదాలైనా సరే మిత్రులతో మాట్లాడుతూ ఉంటే ఇట్లే భాష వచ్చేస్తుంది. దినపత్రికలు, మ్యాగజైన్స్ ఎక్కువగా చదివితే ప్రయోజ‌న‌క‌రంగా ఉంటుంది.

 
Comments Off on ఆంగ్లంపై ఇలా సాధించండి ప‌ట్టు!

Posted by on November 30, 2013 in Uncategorized

 

సాంకేతిక విద్యపై పట్టెవరికి!


* యూజీసీ.. ఏఐసీటీఈ.. ఎవరిది పర్యవేక్షణ?
* త్వరగా స్పష్టత ఇవ్వకుంటే గందరగోళం
* కళాశాలల యాజమాన్యాల ఎదురుచూపులు
ఈనాడు, హైదరాబాద్‌:
ఎంబీఏ, ఎంసీఏ, ఇంజినీరింగ్‌, తదితర సాంకేతిక విద్యాసంస్థలపై విశ్వవిద్యాలయాల నిధుల సంఘం (యూజీసీ) పట్టు సాధించగలదా అనే చర్చ విద్యావర్గాల్లో మొదలైంది. సాంకేతిక విద్యాసంస్థలకు అనుమతులు మంజూరు చేసే అధికారం అఖిల భారత సాంకేతిక విద్యా మండలి (ఎ.ఐ.సి.టి.ఇ.)కి లేదని సుప్రీంకోర్టు తేల్చిచెప్పిన నేపథ్యంలో యూజీసీకి ఈ బాధ్యతలను అప్పగించే అవకాశాలు ఉండటంతో ఈ దిశగా చర్చలు సాగుతున్నాయి. సంప్రదాయ విశ్వవిద్యాలయాల వ్యవహారాలను పర్యవేక్షిస్తున్న యూజీసీకి సాంకేతిక విద్యకు సంబంధించిన వర్సిటీలను పర్యవేక్షించడం కత్తిమీద సామేనని సంబంధిత వర్గాలు పేర్కొంటున్నాయి. సంప్రదాయ విశ్వవిద్యాలయాలు, వాటి అనుబంధ కళాశాలలు, సాంకేతిక విద్యను అందించే విశ్వవిద్యాలయాలు, వాటి అనుబంధ కళాశాలల్లో బోధన, ఇతర విషయాల్లో అనేక వ్యత్యాసాలు ఉన్నాయి. యూజీసీకి సాంకేతిక విద్యాసంస్థలపై ఆజమాయిషీ పోకుండా ఉండేందుకు ఎ.ఐ.సి.టి.ఇ. తగిన యత్నాలు చేస్తున్నా.. సుప్రీంకోర్టు ఆదేశాలు అనుసరించి యూజీసీ కార్యదర్శి సాంకేతిక, ఇంజినీరింగ్‌ కళాశాలల అనుబంధ గుర్తింపు మంజూరుకు సంబంధించిన చర్యలపై తదుపరి ఆదేశాలు జారీ చేసే వరకు త్వరపడవద్దని దేశంలోని అన్ని వర్సిటీలకు లేఖలు రాయడం గమనార్హం. యూజీసీ నుంచి విశ్వవిద్యాలయాలకుగత జులైలో యూజీసీ కార్యదర్శి పంపిన లేఖను అనుసరించి జేఎన్‌టీయూ (హైదరాబాద్‌) రిజిస్ట్రార్‌ ఎన్‌.వి.రమణరావు అనుబంధ కళాశాలల ప్రిన్సిపాళ్లకు సమాచారాన్ని పంపించారు. అందులో యూజీసీ నుంచి ఆదేశాలు వచ్చే వరకు అనుబంధ గుర్తింపు మంజూరు చర్యలను ఆరంభించమని పేర్కొన్నారు. మరోవైపు.. యూజీసీ ఇంజినీరింగ్‌, ఇతర వృత్తివిద్య కళాశాలల విషయంలో తీసుకోవాల్సిన చర్యలపై ఐఐటీ మాజీ సంచాలకులు, ఇతర ప్రముఖులతో ప్రత్యేకంగా కమిటీని ఏర్పాటు చేసింది. వీటిలో సభ్యులుగా ఉన్న వారు ఎ.ఐ.సి.టి.ఇ. కళాశాలల అనుమతుల విషయంలో తీసుకున్న చర్యలను పరిశీలిస్తూ.. నివేదికలను తయారుచేసే పనిలో ఉన్నారు. నివేదిక పూర్తి కాలేదని, త్వరలోనే తాము యూజీసీ ఛైర్మన్‌కు అందజేస్తామని కమిటీలో సభ్యులు ఒకరు ‘ఈనాడు’తో పేర్కొన్నారు. యూజీసీకి బాధ్యతలు అప్పగించనప్పటికీ కమిటీ ఏర్పాటు, నివేదిక వ్యవహారాల గురించి అడగ్గా.. దానిగురించి తమకేమీ తెలియదు.. నివేదిక అడిగారనీ, దానిని యూజీసీకి త్వరలో అప్పగించనున్నామని స్పష్టం చేశారు. తదుపరి విషయాల గురించి తమకేమీ తెలియదని స్పష్టం చేశారు. ఇలా..సాంకేతిక విద్యాసంస్థల బాధ్యతను అప్పగించనప్పటికీ యూజీసీ మాత్రం ముందుకువెళ్లిపోతుండడం గమనార్హం. ఎ.ఐ.సి.టి.ఇ. మాత్రం సాంకేతిక విద్యా సంస్థలపై గతంలో మాదిరిగానే పట్టును సాధించేందుకు న్యాయపరంగా ఉన్న అన్ని అంశాలపై లోతుగా అధ్యయనం చేస్తోందని ఆ సంస్థ దక్షిణ మధ్య ప్రాంతీయ అధ్యక్షుడు కె.రాజగోపాల్‌ ‘ఈనాడు’తో పేర్కొన్నారు. కళాశాలల యాజమాన్యాలు ఈ విషయమై స్పష్టత కోరుతున్నాయని తెలిపారు. సుప్రీంకోర్టు ఆదేశాలకు ఇబ్బందిలేని విధంగా ఎ.ఐ.సి.టి.ఇ.కి ఎప్పటిమాదిరిగానే అధికారాలు ఉండేలా..ఆర్డినెన్స్‌ జారీకి ప్రయత్నించాలని కేంద్రంపై ఒత్తిడి తెస్తూనే ఉంది. సాంకేతిక విద్యా సంస్థల గురించి యూజీసీకి అనుభవం ఎక్కడిదని ఎ.ఐ.సి.టి.ఇ. వర్గాలు ప్రశ్నిస్తున్నాయి. ఈ విషయమై కేంద్ర మానవ వనరుల అభివృద్ధి శాఖ, ఎ.ఐ.సి.టి.ఇ., యూజీసీ మధ్య చర్చలు కొనసాగుతున్నట్లు తెలియవచ్చింది.
భలేఅవకాశం:
యూజీసీకి సాంకేతిక విద్యా సంస్థల బాధ్యతలను అప్పగించడం ద్వారా రాష్ట్ర విశ్వవిద్యాలయాలు వీటి విషయంలోనూ కీలక పాత్ర పోషించే అవకాశం ఉంది. యూజీసీ స్వయంప్రతిపత్తి హోదా కలిగిన విద్యాసంస్థల ప్రతిపాదనలకు తగిన ప్రాధాన్యం ఇస్తోంది. ఢిల్లీస్థాయిలో కాకుండా..విశ్వవిద్యాలయాల పరిధిలోనే కీలక నిర్ణయాలు జరిగే అవకాశం ఉండటంతో, రాష్ట్రాల్లో అధికారంలో ఉండే నేతలు సైతం విశ్వవిద్యాలయాలపై ఒత్తిడితెచ్చి తమ పనులను చక్కబెట్టుకునే అవకాశం ఉంది. తాజా పరిణామాలపై స్పష్టత కోసం కళాశాలల యాజమాన్యాలు ఆసక్తిగా ఎదురు చూస్తున్నాయి. కిందటేడు ఇప్పటికే ‘కొత్త సంవత్సరం కరదీపిక’ వెలువడింది. తాజా పరిణామాల కారణంగా ఇంతవరకు 2014-15 కళాశాలలు, కోర్సుల అనుమతుల కరదీపిక వెలువడలేదు. కళాశాలల వ్యవహారాలపై ఢిల్లీ నుంచి స్పష్టత వస్తేనే.. దానికి అనుగుణంగా ఎంసెట్‌ ఇంజినీరింగ్‌ ప్రవేశాల వంటి వాటిపై చర్యలు తీసుకునే అవకాశం ఉంది. వచ్చే ఏడాది ఎన్నికలు ఉండటం, తదితర అంశాలన్నింటినీ దృష్టిలో ఉంచుకొని కేంద్రం సాంకేతిక విద్యాసంస్థల వ్యవహారలపై త్వరగా స్పష్టతను ఇవ్వాల్సిన అవసరం ఉంది.

 
Comments Off on సాంకేతిక విద్యపై పట్టెవరికి!

Posted by on November 29, 2013 in Uncategorized

 

విద్యతో పాటూనిరుద్యోగమూ పెరుగుతోంది!


న్యూఢిల్లీ:
మన దేశంలో విద్యాపరంగా జరుగుతున్న అభివృద్ధితో పాటూ నిరుద్యోగం కూడా పెరుగుతూనే ఉందని కార్మికశాఖ అధ్యయనంలో వెల్లడైంది. 15-29 ఏళ్ల మధ్య వయసున్న ప్రతిముగ్గురిలో ఒకరు నిరుద్యోగిగా ఉంటున్నారు. ఈ వయసున్న వారిలో గ్రాడ్యుయేషన్‌ పూర్తి చేసిన వారు ఎక్కువగా ఉద్యోగం దొరక్క తిప్పలు పడుతుంటే… రాయడం…చదవడం తెలియని నిరక్షరాస్యులో మాత్రం నిరుద్యోగ సమస్య తక్కువగానే ఉండటం గమనార్హం. ఇక, గ్రామీణ ప్రాంతాల్లో నిరుద్యోగ సమస్యను అనుభవిస్తున్న వారి సంఖ్య సుమారు 36.6గా ఉండగా…పట్టణాల్లో ఈ సంఖ్య కేవలం 26.5 శాతంగా ఉందని తాజా గణాంకాలు పేర్కొన్నాయి.

 
Comments Off on విద్యతో పాటూనిరుద్యోగమూ పెరుగుతోంది!

Posted by on November 29, 2013 in Uncategorized

 

పది లక్షల మంది బీసీల ఉపాధికి ప్రణాళిక


* మంత్రి సారయ్య
హైదరాబాద్‌, న్యూస్‌టుడే:
రాష్ట్రంలో సుమారు పది లక్షల మంది వెనుకబడిన వర్గాల వారికి ఉపాధి కల్పించేందుకు ప్రణాళికను రూపొందిస్తున్నట్లు మంత్రి బస్వరాజు సారయ్య న‌వంబ‌రు 28న వెల్లడించారు. రాష్ట్ర వెనుకబడిన తరగతుల సంక్షేమశాఖ ఆధ్వర్యాన మహాత్మా జ్యోతిబాపూలే వర్ధంతి సభ గురువారం రవీంద్రభారతిలో జరిగింది. ముఖ్యఅతిథిగా హాజరైన మంత్రి మాట్లాడుతూ… బీసీల సంక్షేమాన్ని కాంక్షించి, వారి స్థితిగతులపై అధ్యయనానికి మంత్రివర్గ ఉప సంఘాన్ని వేశామన్నారు.

 
Comments Off on పది లక్షల మంది బీసీల ఉపాధికి ప్రణాళిక

Posted by on November 29, 2013 in Uncategorized

 

డిసెంబర్ 2న ఏపీసెట్ ‘కీ’


హైదరాబాద్:
న‌వంబ‌రు 24న నిర్వహించిన ఏపీసెట్-2013 పరీక్ష ‘కీ’ ని డిసెంబర్ 2న విడుదల చేయనున్నట్లు ఏపీసెట్ సభ్య కార్యదర్శి ప్రొఫెస‌ర్‌ .రాజేశ్వర్‌రెడ్డి న‌వంబ‌రు 28న వెల్లడించారు. ఏపీసెట్ వెబ్‌సైట్‌లో ప‌రీక్ష కీని చూడవచ్చని ఆయ‌న తెలిపారు. ‘కీ’కి సంబంధించి ఏమైనా సందేహాలు ఉంటే apset2012@gmail.com  కు డిసెంబరు 10 లోగా మెయిల్ చేయ‌వ‌చ్చని ఆయ‌న సూచించారు.

 
Comments Off on డిసెంబర్ 2న ఏపీసెట్ ‘కీ’

Posted by on November 29, 2013 in Uncategorized

 
 
%d bloggers like this: