RSS

సమాచార శాఖకు 23 పోస్టులు మంజూరు

05 Nov

ఈనాడు, హైదరాబాద్: సమాచార, పౌర సంబంధాల శాఖకు కొత్తగా 23 పోస్టులు మంజూరు చేస్తూ ఆర్థికశాఖ నవంబరు 5న ఉత్తర్వులు జారీచేసింది. ఉపసంచాలకులు (డీడీ) 12, సహాయ సంచాలకులు 11 పోస్టులు మంజూరుచేసింది. ప్రస్తుతం జిల్లా పౌర సంబంధాల శాఖ అధికారి (డీపీఆర్వో)గా ఉన్న అధికారులను ఇకనుంచి ‘పౌరసంబంధాల అధికారి’గా పిలుస్తారు. ఇకనుంచి జిల్లాస్థాయి అధికారిగా డీడీ లేదా ఏడీని నియమిస్తారు. రెవెన్యూ డివిజన్ స్థాయిలో ఉండే అధికారిని ‘అదనపు పౌరసంబంధాల అధికారి’గా పిలుస్తారు. జోన్ స్థాయిలో పనిచేస్తున్న ప్రాంతీయ సంయుక్త సంచాలకుల పోస్టులన్నింటినీ ఇకనుంచి హైదరాబాద్‌లోని కమిషనర్ కార్యాలయానికి మారుస్తున్నారు. వారితో ఇక్కడ ప్రత్యేక విభాగం ఏర్పాటుచేస్తారు. ఇతర ప్రభుత్వ శాఖలతో ఈ విభాగం అనుసంధానకర్తగా పనిచేస్తుంది.

 
Comments Off on సమాచార శాఖకు 23 పోస్టులు మంజూరు

Posted by on November 5, 2013 in Uncategorized

 

Comments are closed.

 
%d bloggers like this: