RSS

నాణ్యమైన విద్య అందకుంటే విధ్వంసం

09 Nov

ఈనాడు, హైదరాబాద్: భారత్‌కు ప్రస్తుతం అత్యధిక సంఖ్యలో ఉన్న యువతే వరమని, అయితే వారికి నాణ్యమైన విద్య అందడం లేదని ప్రముఖ అణు శాస్త్రవేత్త అనిల్ కకోద్కర్ ఆవేదన వ్యక్తం చేశారు. నవంబరు 9న (శనివారం) ఇక్కడ జేఎన్‌టీయూ(హెచ్) నాలుగో స్నాతకోత్సవంలో గౌరవ డాక్టరేట్ అందుకున్న అనంతరం ఆయన కొద్దిసేపు ప్రసంగించారు. ”సాంకేతికంగా సామర్థ్యాన్ని సమకూర్చుకోకుండా అగ్రదేశంగా ఎదగడం సాధ్యం కాదు. ఉన్నత సాంకేతిక విద్యారంగంలో పరిస్థితి చూస్తే… నాసిరకం ఇంజినీర్లు పెద్ద సంఖ్యలో డిగ్రీలు పుచ్చుకుని బయటకు వస్తున్నారు. ఫలితంగా ఉద్యోగాలకు పనికొచ్చే అభ్యర్థులు పరిశ్రమలకు దొరకడం లేదు. అదే సమయంలో పెద్ద సంఖ్యలో తాజా ఇంజినీర్లకు ఉద్యోగాలు లభించడం లేదు. వారి ఆశలు నెరవేర్చేలా శరవేగంగా చర్యలు తీసుకోకుంటే దేశ అభివృద్ధికి చోదకశక్తి అయిన యువతే చివరకు ప్రధాన వినాశక శక్తిగా మారుతుంది” అని హెచ్చరించారు. విద్యాసంస్థల్లో పరిశ్రమలు పరిశోధన, అభివృద్ధి (ఆర్ అండ్ డీ) చేపట్టాలని, జాతీయస్థాయి పరిశోధనా సంస్థలు విశ్వవిద్యాలయాల్లో తరచూ కార్యక్రమాలు నిర్వహించాలని సూచించారు.

 
Comments Off on నాణ్యమైన విద్య అందకుంటే విధ్వంసం

Posted by on November 9, 2013 in Uncategorized

 

Comments are closed.

 
%d bloggers like this: