RSS

కళాశాలలకు నాక్ గుర్తింపు తప్పనిసరి

17 Nov

* రాష్ట్ర ఉన్నత విద్యా మండలి ఛైర్మన్ వేణుగోపాలరెడ్డి
అంబేద్కర్ విశ్వవిద్యాలయం (ఎచ్చెర్ల) :
       డిగ్రీ, పీజీ, ఇంజినీరింగు తదితర కోర్సుల్లో నాణ్యమైన బోధనతోనే విద్యార్థులకు మంచి భవిష్యత్తు చూపగలమని ఆంధ్రప్రదేశ్ ఉన్నత విద్యా మండలి ఛైర్మన్ ఎల్.వేణుగోపాలరెడ్డి అన్నారు. నవంబ‌రు 17న‌ అంబేద్కర్ విశ్వవిద్యాలయంలో ‘ఇంటర్నేషనల్ జర్నల్ ఆఫ్ ఇన్నోవేటివ్ రీసెర్చ్ అండ్ ప్రాక్టీసెస్’ సంచికను ఆయన ఆవిష్కరించారు. అనంతరం జిల్లాలోని డిగ్రీ, బీఈడీ కళాశాలల ప్రధానాచార్యులతో సమావేశంలో పాల్గొన్నారు. ఈ సందర్భంగా మాట్లాడారు. ‘డిగ్రీ, పీజీ, ఇంజినీరింగు విద్య ఎటు పోతోందో చెప్పలేని పరిస్థితి నెలకొంది. ఏ కళాశాలలోనూ తగినంత మంది విద్యార్థులు చేరటం లేదు. కోర్సు పూర్తయ్యేసరికి విద్యార్థులు ఉద్యోగం పొందేందుకు అవసరమైన నైపుణ్యాలను ఆయా కళాశాలలు అందించకపోవటమే దీనికి ప్రధాన కారణం. ఇకనైనా లోపాలను సరిద్దుకొని నాణ్యమైన విద్య అందించటంలో రాజీ లేకుండా ముందుకు సాగాలని’ ఆయన అన్నారు. తగిన సౌకర్యాలు కల్పించి యూజీసీ నుంచి నిధులు కావాలని దరఖాస్తు చేస్తే ఉన్నత విద్యామండలి తరఫున సహకారం అందిస్తామన్నారు. మారిన నిబంధనల ప్రకారం ప్రతి కళాశాలకు యూజీసీ ఇచ్చే నాక్ (నేషనల్ అక్రిడేషన్ కౌన్సిల్) గుర్తింపు తప్పనిసరని పేర్కొన్నారు.

Advertisements
 
Comments Off on కళాశాలలకు నాక్ గుర్తింపు తప్పనిసరి

Posted by on November 17, 2013 in Uncategorized

 

Comments are closed.

 
%d bloggers like this: