RSS

Daily Archives: December 13, 2013

Intermediate_time_tableIntermediate_time_table


Intermediate_time_tableIntermediate_time_table

Advertisements
 
Comments Off on Intermediate_time_tableIntermediate_time_table

Posted by on December 13, 2013 in Uncategorized

 

సాంకేతిక విద్యపై యూజీసీ పెత్తనమా!


పలు వర్గాల నుంచి తీవ్ర అభ్యంతరాలు
*
ఆందోళనకు సమాయత్తమవుతున్న బిజినెస్‌ స్కూళ్లు
ఈనాడు-హైదరాబాద్‌, విజయవాడ: దేశవ్యాప్తంగా సాంకేతిక, వృత్తివిద్యా సంస్థల అనుమతుల మంజూరుపై అఖిల భారత సాంకేతిక విద్యా మండలి (ఏఐసీటీఈ)కి ఉన్న అధికారాలను స్థానిక విశ్వవిద్యాలయాలకు బదిలీ చేసేందుకు యూజీసీ చేస్తున్న ప్రయత్నాలపై తీవ్ర అభ్యంతరాలు వ్యక్తమౌతున్నాయి. సంప్రదాయ విశ్వవిద్యాలయాల వ్యవహారాలను పర్యవేక్షించే యూజీసీకి తగిన పరిచయంలేని సాంకేతిక విద్యారంగంపై ఆజమాయిషీని అప్పగించటం సరైనది కాదనే భావనను ఆ వర్గాలు వెల్లడిస్తున్నాయి. మరోవైపు బిజినెస్‌ స్కూళ్ల యాజమాన్యాలు ఈ విషయమై ఆందోళనకు దిగేందుకు సిద్ధమని ప్రకటించాయి. సుప్రీంకోర్టు తీర్పు నేపథ్యంలో ఇంజినీరింగ్‌, ఇతర వృత్తివిద్య సంస్థలపై ఉన్న అధికారాలను ఏఐసీటీఈ కోల్పోయింది. ఏఐసీటీఈ బాధ్యతలను తామే నిర్వహిస్తామని, అనుమతుల జారీకి సంబంధించి రూపొందించిన విధివిధానాల ముసాయిదాపై అభిప్రాయాలు తెలపాలని దేశంలోని అన్ని విశ్వవిద్యాలయాలకూ యూజీసీ లేఖలు రాసింది. అభిప్రాయాలు తెలిపేందుకు విశ్వవిద్యాలయాలకు ఇచ్చిన గడువు డిసెంబరు 12తో ముగిసింది. మరోవైపు ఏఐసీటీఈ తన అధికారాలను నిలుపుకునేందుకు ప్రత్యేక ఆర్డినెన్స్‌ కోసం ప్రయత్నిస్తున్నా యూజీసీ మాత్రం తన పని తాను చేసుకుంటూ పోతోంది. ఈ తరుణంలో యూజీసీ ముసాయిదాపై వివిధ వర్గాల వారి నుంచి పలు అభ్యంతరాలు వ్యక్తమౌతున్నాయి. అవి…
* సాంకేతిక విద్యలో ఇప్పటివరకు దేశవ్యాప్తంగా ఒకే తరహా విధానం అమలులో ఉంది. విశ్వవిద్యాలయాలకు అనుమతుల జారీ అధికారం అప్పగించటం వల్ల ఒక్కో రాష్ట్రంలో, ఆయా విశ్వవిద్యాలయాలపరిధుల్లో విభిన్నమైన విద్యావిధానాలు అమలవుతాయి. తద్వారా నాణ్యతతో కూడిన విద్యను అందించలేని పరిస్థితులు నెలకొంటాయి.
* ప్రతి 15 మంది విద్యార్థులకు ఒక అధ్యాపకుడిని నియమించేలా ఉన్న నిబంధనను కూడా 20కి పెంచాలని కళాశాలల యాజమాన్యాలు ఏఐసీటీఈని కోరుతున్నాయి. దీనికి ఏఐసీటీఈ సూచనప్రాయంగా అంగీకరించింది. తాజా పరిణామాలతో యాజమాన్యాల విజ్ఞప్తి నెరవేరే సూచనలు కనిపించడంలేదు.
* ఏఐసీటీఈకి ఉన్న అధికారాలన్నిటినీ స్థానిక విశ్వవిద్యాలయాలకు అప్పగించడం వల్ల మరిన్ని సమస్యలు తలెత్తే ప్రమాదముందని అధికశాతం మంది పేర్కొన్నారు.
* ప్రస్తుతం ఏటా అనుమతులను పొడిగించేందుకు, కొత్త కోర్సుల కోసం ఏఐసీటీఈకి కళాశాలల యాజమాన్యాలు రుసుములు చెల్లిస్తున్నాయి. ఇవికాకుండా ఏటా కళాశాలలను తనిఖీలు చేసేందుకు స్థానిక విశ్వవిద్యాలయాల నుంచి వస్తున్న కమిటీలకూ కొంత మొత్తం చెల్లించాల్సి వస్తోంది. ఈ రెండు రకాల రుసుములను విశ్వవిద్యాలయాలకు చెల్లించాల్సి వస్తుందని, ఇది అదనపు భారం అవుతుందని కళాశాలల యాజమాన్యాలు పేర్కొంటున్నాయి.
* యూజీసీ పెత్తనాన్ని సహించేదిలేదని బిజినెస్‌ స్కూళ్లు పేర్కొంటున్నాయి. ఏఐసీటీఈ నుంచి పొందిన అనుమతులతో అటానమస్‌ హోదాలో బిజినెస్‌ స్కూళ్లు పీజీడీఎం కోర్సులు నిర్వహిస్తున్నాయి. ఈ పరిస్థితుల్లో సాంకేతిక విద్యపట్ల అనుభవంలేని యూజీసీ జోక్యాన్ని నిరసిస్తూ దేశవ్యాప్తంగా త్వరలో 300 బిజినెస్‌ స్కూళ్లు ఆందోళన కార్యక్రమాన్ని నిర్వహించాలని నిర్ణయించినట్లు సమాచారం.
నెలలు గడిచిపోతున్నా..!.: ఏఐసీటీఈ అధికారాలకు కత్తెరవేస్తూ సుప్రీంకోర్టు ఆదేశాలు జారీచేసి నెలలు గడిచిపోతున్నా కేంద్ర ప్రభుత్వం ఇప్పటివరకు ప్రత్నామ్నాయ విధానాన్ని స్పష్టంగా ప్రకటించలేదు. దీని వల్ల కొత్త కళాశాలలు, కోర్సుల ప్రారంభానికి అనుమతుల జారీ విషయంలో కళాశాలల యాజమాన్యాలకు ఇబ్బందులు ఎదురవుతున్నాయి. సాధారణ పద్ధతిలోనైతే ఏఐసీటీఈ ఇప్పటికే 2014 ప్రవేశాల కరదీపికను జారీచేసి ఉండేది. తాజా పరిణామాలతో ఇది ఇప్పటివరకు జరగలేదు. రాష్ట్రం నుంచి కిందటేడాది 13 కళాశాలలు మూతబడ్డాయి. ఇంజినీరింగ్‌ కోర్సుల్లో ఐటీ, ఈఈఈ, ఎంబీఎ, ఎంసీఏ కోర్సులు 500 వరకు రద్దయ్యాయి. ఇటువంటి పరిస్థితులే రానున్న విద్యా సంవత్సరంలోనూ కనిపించనుంది. ఈ ప్రక్రియ అంతా జూన్‌లోగా పూర్తిచేయాల్సి ఉంది. లేకుంటే దీని ప్రభావం ఎంసెట్‌ ఇంజినీరింగ్‌, ఇతర కోర్సుల ప్రవేశాలపైనా పడుతుంది.

 
Comments Off on సాంకేతిక విద్యపై యూజీసీ పెత్తనమా!

Posted by on December 13, 2013 in Uncategorized

 

వృత్తివిద్య కోర్సుల సీట్ల భర్తీపై కమిటీ ఏర్పాటు


వృత్తివిద్య కోర్సుల సీట్ల భర్తీపై కమిటీ ఏర్పాటు

* డిసెంబరు 21న తొలి సమావేశం
* ఉన్నతవిద్యామండలి అధ్యక్షుడు వేణుగోపాలరెడ్డి వెల్లడి
* వివిధ అంశాలను పరిశీలించనున్న కమిటీ
ఈనాడు – హైదరాబాద్‌: ఇంజినీరింగ్‌ తదితర వృత్తి విద్యాకోర్సుల వెబ్‌కౌన్సెలింగ్‌ ప్రవేశాల్లో సవాలుగా మారిన అక్రమాలను అరికట్టే చర్యలు మొదలయ్యాయి. ఆన్‌లైన్‌ స్థానంలో 2009 నుంచి వచ్చిన వెబ్‌ కౌన్సెలింగ్‌ను అనుకూలంగా తీసుకొని దళారులతోపాటు పలు కళాశాలల యాజమాన్యాలు అక్రమాలకు పాల్పడుతున్నాయి. ప్రభుత్వ బోధనా ఫీజుల పథకాన్ని తామే అమలుచేస్తున్నామని విద్యార్థులను మభ్యపెడుతూ సీట్లను భర్తీ చేస్తున్నాయి. దీనిపై సహచర కళాశాలల యాజమాన్యాలు, విద్యార్థులు, తల్లిదండ్రుల నుంచి ఆందోళన వ్యక్తమవుతున్న నేపథ్యంలో ప్రత్యేక కమిటీ ద్వారా అధ్యయనం చేయించి కఠిన చర్యలు తీసుకోవాలని ఉన్నత విద్యామండలి నిర్ణయించింది. ఇందులో భాగంగానే జేఎన్‌టీయూ-హైదరాబాద్‌, అనంతపురం, కాకినాడలతోపాటు ఎస్వీయూ, ఏయూ, నాగార్జున, శ్రీకృష్ణదేవరాయ తదితర విశ్వవిద్యాలయాల్లో సాంకేతిక పరిజ్ఞానంపై అవగాహన కలిగిన ప్రొఫెసర్లతో ప్రత్యేక కమిటీని ఏర్పాటుచేసినట్లు ఉన్నత విద్యామండలి అధ్యక్షుడు వేణుగోపాలరెడ్డి డిసెంబరు 12న వెల్లడించారు. వెబ్‌ కౌన్సెలింగ్‌ కేంద్రంగా జరుగుతున్న అక్రమాలపై ఫిర్యాదులు అందుతున్నాయని, వచ్చే విద్యాసంవత్సరంలో ఈ అక్రమాలను సాధ్యమైనంత తగ్గించడానికి ప్రాధాన్యం ఇస్తున్నామన్నారు. కమిటీ ఇందుకు అవసరమైన దిశానిర్దేశం చేస్తుందన్న ఆశాభావాన్ని వ్యక్తం చేశారు. ఈ కమిటీ తొలి సమావేశం డిసెంబరు 21న జరగనుంది. సాంకేతిక విద్యాశాఖ, జాతీయ విజ్ఞాన కేంద్రం అధికారుల తోడ్పాటును ఈ కమిటీ తీసుకోనుంది. కమిటీ పరిశీలించనున్న అంశాల్లో ముఖ్యమైనవి…
* తిరిగి ఆన్‌లైన్‌ ద్వారా సీట్లభర్తీని చేపట్టడం.
* వెబ్‌ కౌన్సెలింగ్‌లో భాగంగానే సహాయకేంద్రాల్లో విద్యార్థుల ద్వారా ఆప్షన్ల నమోదు జరిగేలా చేయడం.
* బయోమెట్రిక్‌ విధానాన్ని ప్రవేశపెట్టడం.
* ఇంటర్నెట్‌ బ్యాంకింగ్‌ విధానంలో భాగంగా పాస్‌వర్డ్‌ను జనరేట్‌ చేయించడం. వెబ్‌ కౌన్సెలింగ్‌ కోసం ఆన్‌లైన్‌లో వివరాలు నమోదు చేసిన వెంటనే నేరుగా వెబ్‌సైట్‌లోకి వెళ్లేందుకు యాక్సెస్‌ (అనుమతి) లభించదు. కౌన్సెలింగ్‌ కేంద్రంలో విద్యార్థులు నమోదు చేసిన మొబైల్‌నెంబరుకు వన్‌టైమ్‌ పాస్‌వర్డ్‌ వస్తుంది. ఈ పాస్‌వర్డ్‌ నమోదు చేసిన తర్వాత వెబ్‌సైట్‌లోకి వెళ్లి ఆపన్లు నమోదు చేసుకునే అవకాశం ఉంటుంది.
అప్పటినుంచే ఆగడాలు
ఆన్‌లైన్‌ స్థానంలో వెబ్‌ కౌన్సెలింగ్‌ విధానాన్ని ప్రవేశపెట్టినప్పటి నుంచి దళారుల ప్రమేయం పెరిగిపోయింది. ఇంటర్‌ ద్వితీయ సంవత్సరం పరీక్షలు రాయబోయే విద్యార్థుల వివరాలను ముందుగానే సంబంధిత కళాశాలల నుంచి దళారులు, కొన్ని ఇంజినీరింగ్‌ కళాశాలల యాజమాన్యాల ప్రతినిధులు సేకరిస్తున్నారు. వెబ్‌కౌన్సెలింగ్‌లో విద్యార్థులు ఇచ్చిన ఆప్షన్ల ప్రకారం కళాశాలల్లో సీట్లను కేటాయిస్తారు. కానీ.. మధ్యవర్తులు, కళాశాలల యాజమాన్యాల మధ్య కుదిరిన ఒప్పందాల మేరకు ఆప్షన్లను పూర్తిగా కాకుండా పరిమితంగానే ఇచ్చేలా ఏర్పాట్లు జరుగుతున్నాయి. దీనికి అనుగుణంగానే సీట్ల కేటాయింపు జరిగిపోతోంది. తమకు తెలియకుండానే ఫలానా కళాశాలలో సీటు వచ్చిందని చెబుతూ పంపుతున్నారని విద్యార్థులు వాపోతున్నారు. ఈ పరిస్థితులు రాష్ట్రవ్యాప్తంగా ఉన్నాయి. దీనిపై గతంలో ఎన్నడూ లేని విధంగా కళాశాలల యాజమాన్యాల నుంచి సైతం సాంకేతిక విద్యా శాఖ, ఉన్నత విద్యా మండలికి ఫిర్యాదులు అందాయి. ఈ సమస్యల విరుగుడుకు ఇంతకుముందటి ఆన్‌లైన్‌ విధానాన్ని తిరిగి ప్రవేశపెట్టాలని కోరుతూ ప్రతిపాదనలు వచ్చాయి. కొందరు విద్యార్థులే స్వయంగా స్క్రాచ్‌కార్డులను మధ్యవర్తులకు ఇస్తున్నందున దళారుల ప్రమేయాన్ని అరికట్టడం కష్టంగా ఉందని పలు కాలేజీలు పేర్కొంటున్నాయి.
త్వరలోనే ప్రవేశపరీక్షల తేదీలు
రానున్న విద్యాసంవత్సరంలో ఇంజినీరింగ్‌లో ప్రవేశాల కోసం వివిధ విద్యాసంస్థలు ప్రకటనలను జారీ చేస్తున్నాయి. ఇదే సమయంలో త్వరలో రాష్ట్రంలో జరిగే ఎంసెట్‌, ఐసెట్‌, ఇతర ప్రవేశపరీక్షల తేదీలను డిసెంబరు 20నాటికి ప్రకటించాలని ఉన్నత విద్యామండలి భావిస్తున్నట్లు సమాచారం. ప్రవేశపరీక్షల నిర్వహణ బాధ్యతలను గతంలో పరీక్షలను నిర్వహించిన విశ్వవిద్యాలయాలకే అప్పగించనున్నట్లు తెలుస్తోంది.

 
Comments Off on వృత్తివిద్య కోర్సుల సీట్ల భర్తీపై కమిటీ ఏర్పాటు

Posted by on December 13, 2013 in Uncategorized

 
 
%d bloggers like this: