RSS

విద్యార్థులకు కొత్త కోర్సులపై అవగాహనకు ‘ఫిట్జీ’ పరీక్ష

20 Dec

హైదరాబాద్‌: తొమ్మిది నుంచి ఇంటర్‌ ద్వితీయ సంవత్సరం వరకూ చదివే విద్యార్థులు తమ భవిష్యత్తు చదువులను ఎంపిక చేసుకోవడం కోసం ఎస్కేప్‌ వెలాసిటీ పేరుతో వినూత్నమైన పరీక్ష నిర్వహిస్తున్నట్లు ప్రముఖ విద్యాసంస్థ ఫిట్జీ డిసెంబరు 20న ప్రకటించింది. యూఎస్‌ఏ యూనిక్వెస్ట్‌, ఫిట్జీ సంయుక్తంగా చేపడుతున్న ఈ పరీక్షకు విద్యార్థులు ఆన్‌లైన్‌, ఆఫ్‌లైన్‌ ద్వారా హాజరుకావచ్చునని ఫిట్జీ హైదరాబాద్‌ శాఖ సంచాలకుడు ఆనందరామన్‌ తెలిపారు. మూడు భాగాలుగా జరిగే ఈ పరీక్షలో పాల్గొనే విద్యార్థులు కేవలం ఇంజినీరింగ్‌, మెడిసిన్‌లనే కాకుండా ఇతర రంగాల్లో ఉన్న అవకాశాలను సైతం తెలుసుకునే అవకాశం ఉంటుందని ఆయన అన్నారు. ఆన్‌లైన్‌ ద్వారా పరీక్ష రాయాలనుకునే విద్యార్థులు జనవరి 2 లోపు రిజిస్టర్‌ చేసుకుంటే అదే నెల 4 నుంచి 10 పరీక్ష రాసే అవకాశం ఉంటుందని ఆనంద రామన్‌ చెప్పారు. దీనికి ఏవిధమైన రుసుమూ చెల్లించనవసరం లేదన్నారు.

 
Comments Off on విద్యార్థులకు కొత్త కోర్సులపై అవగాహనకు ‘ఫిట్జీ’ పరీక్ష

Posted by on December 20, 2013 in Uncategorized

 

Comments are closed.

 
%d bloggers like this: