RSS

ప్రతిభను నమ్ముకోండి…దళారులను నమ్మకండి!

27 Dec

ప్రతిభను నమ్ముకోండి…దళారులను నమ్మకండి!

* ఒక్క పైసా ఎవ్వరికీ ఇవ్వకండి
* 28న వీఆర్వో… వీఆర్ఏ ఉద్యోగాల భర్తీ ప్రకటన
– మంత్రి రఘువీరారెడ్డి
ఈనాడు, హైదరాబాద్: గ్రామ రెవెన్యూ అధికారులు, గ్రామ రెవెన్యూ సహాయకుల ఉద్యోగాల భర్తీని వందశాతం పారదర్శకంగా, ప్రతిభకు గుర్తింపు ఉండేలా నిర్వహిస్తామని రాష్ట్ర రెవెన్యూ మంత్రి ఎన్.రఘువీరారెడ్డి డిసెంబరు 27న స్పష్టం చేశారు. ఉద్యోగాలు ఇప్పిస్తామని వచ్చే వారి మాటలు విశ్వసించవద్దని ఎవ్వరికీ ఒక పైసా కూడా ఇవ్వద్దన్నారు. కేవలం రాతపరీక్షలో వచ్చిన మార్కుల ఆధారంగానే ఎంపిక ఉంటుందని అన్నారు. నియామకపు ప్రక్రియను పకడ్బందీగా నిర్వహిస్తామన్నారు. జిల్లా కలెక్టర్లు ప్రత్యేక శ్రద్ధ తీసుకుంటున్నారని ‘ఈనాడు’కు తెలిపారు.
రాష్ట్రంలో గ్రామరెవెన్యూ అధికారులు, గ్రామ రెవెన్యూ సహాయకుల ఉద్యోగాల భర్తీకి ప్రకటన డిసెంబరు 28న వెలువడనుంది. ఈ మేరకు రాష్ట్ర రెవెన్యూశాఖ ఏర్పాట్లను పూర్తి చేసింది. శనివారం జిల్లాల వారీగా ఉద్యోగ ప్రకటనలు వెలువడనున్నాయి. రాష్ట్రంలో గ్రామ రెవెన్యూ అధికారులు (వీఆర్వోలు) 1657, గ్రామ రెవెన్యూ సహాయకులు (వీఆర్ఏ) 4305 పోస్టులను భర్తీ చేయనున్నారు. భూపరిపాలన ప్రధాన కమిషనర్ (సీసీఎల్ఏ) ఆధ్వర్యంలో జరిగే ఈ నియామక ప్రక్రియకు ఏర్పాట్లు పూర్తయ్యాయి. సెంటర్ ఫర్ గుడ్ గవర్ననెన్స్ (సీజీజీ) ఈ ఉద్యోగాల నియామకానికి అవసరమైన సాంకేతిక పరమైన అంశాల తోడ్పాటును అందిస్తుంది. వంద మార్కులకు అబ్జెక్టివ్ ప్రశ్నలతో పరీక్ష నిర్వహిస్తారు. జిల్లాల వారీగా ఉన్న వీఆర్ఏ, వీఆర్వో పోస్టుల, రిజర్వేషన్లు తదితర అంశాలతో ఆయా జిల్లాల్లో శనివారం కలెక్టర్ల ఆధ్వర్యంలో ఉద్యోగప్రకటన వెలువడుతుంది.
ఇతర వివరాలు:
వీఆర్వో మొత్తం ఉద్యోగాలు: 1657
విద్యార్హత: ఇంటర్మీడియట్ పాస్ లేదా మూడేళ్ల డిప్లొమా
వయోపరిమితి: 18 నుంచి 36 సంవత్సరాలు
ఎస్సీ,ఎస్టీ,బీసీలకు: 41 సంవత్సరాలు
వికలాంగులు: 46 సంవత్సరాలు
వీఆర్ఏ మొత్తం ఉద్యోగాలు: 4305
వయోపరిమితి: 18 నుంచి 37 ఏళ్లు
ఎస్సీ,ఎస్టీ,బీసీలకు: 42 ఏళ్లు
వికలాంగులు: 47
* ఏ జిల్లా అభ్యర్థులు ఆ జిల్లాలోనే దరఖాస్తు చేసుకోవాలి. వీఆర్ఏ ఉద్యోగానికి దరఖాస్తు చేసుకునేవారు ఆ గ్రామానికి చెందినవారై ఉండాలి.
* పరీక్ష తేదీ: ఫిబ్రవరి 2
* ఫలితాల విడుదల: ఫిబ్రవరి 20

Advertisements
 
Comments Off on ప్రతిభను నమ్ముకోండి…దళారులను నమ్మకండి!

Posted by on December 27, 2013 in Uncategorized

 

Comments are closed.

 
%d bloggers like this: