RSS

Daily Archives: December 30, 2013

విద్యార్థుల పరిశోధనలకు ఇన్నోవేషన్ పార్క్


కోల్‌కతా: విద్యార్థులను పారిశ్రామిక వేత్తలుగా తీర్చిదిద్దేందుకు ఐఐటీ ఖరగ్‌పూర్ ముందుకు వచ్చింది. రాజర్హట్‌లో రూ.350 కోట్లతో పరిశోధన భవనం, ఇన్నోవేషన్ పార్క్‌ను ఏర్పాటు చేసేందుకు డిసెంబరు 30న శ్రీకారం చుట్టింది. పరిశ్రమలపై పరిశోధన, అభివృద్ధి తదితర అంశాలన్నింటిపై దేశవ్యాప్తంగా ఉన్న విద్యార్థులు, పరిశోధకులు, విదేశీయులు అందరూ ఒక్కచోట పనిచేసే విధంగా పది ఎకరాల్లో ఇన్నోవేషన్ పార్క్‌ను ఏర్పాటు చేయనున్నారు. దీనికి సంబంధించి కేంద్ర మానవ వనరుల మంతిత్వ శాఖ నుంచి అనుమతులు లభించినట్లు ఐఐటీ ఉన్నతాధికారులు తెలిపారు.

Advertisements
 
Comments Off on విద్యార్థుల పరిశోధనలకు ఇన్నోవేషన్ పార్క్

Posted by on December 30, 2013 in Uncategorized

 

సాంకేతిక విద్యలో నాణ్యతను పెంచాలి


తిరువనంతపురం: దేశంలో సాంకేతిక విద్యలో నాణ్యతను పెంచాల్సిన అవసరం ఉందని కేంద్ర మానవ వనరుల అభివృద్ధి శాఖ (హెచ్ఆర్‌డీ) మంత్రి పల్లంరాజు అన్నారు. పరిశ్రమ అవసరాలు తీర్చేలా పట్టభద్రులకు నైపుణ్య శిక్షణ ఇవ్వాల్సిన అవసరం ఉందన్నారు. దేశంలో ఏటా ఇంజినీరింగ్ పట్టా పుచ్చుకుంటున్న విద్యార్థుల సంఖ్య అధికంగా ఉన్నా.. అత్యధికుల్లో పరిశ్రమ ఆశిస్తున్న నైపుణ్యాలు కొరవడుతున్నాయన్నారు. దీంతో పరిశ్రమలే వాటి అవసరాల మేర ఇంజినీరింగ్ పట్టభద్రులకు ప్రత్యేక శిక్షణ ఇవ్వాల్సి వస్తోందన్నారు. ఇది మన సాంకేతిక విద్యా వ్యవస్థ లోపమన్నారు. డిసెంబరు 30న ఆయన తిరువనంతపురంలో అఖిలభారత సాంకేతిక విద్య కౌన్సిల్ (ఏఐసీటీఈ) నూతన ప్రాంతీయ కార్యాలయాన్ని ప్రారంభించారు. ఈ సందర్భంగా మాట్లాడుతూ ప్రపంచంలోని పెద్ద సాంకేతిక విద్యావ్యవస్థల్లో మనది ఒకటైనా నాణ్యత లోపిస్తోందన్నారు. విద్యార్థుల్లో, బోధకుల్లో (ఫ్యాకల్టీ) నాణ్యత పెంచడానికి ప్రమాణాలు ఏర్పాటు చేయాలన్నారు.

 
Comments Off on సాంకేతిక విద్యలో నాణ్యతను పెంచాలి

Posted by on December 30, 2013 in Uncategorized

 

3 నుంచి ట్రిపుల్ఐటీలో ప్రాంగణ ఎంపికలు


వేంపల్లె, న్యూస్‌టుడే : ఇడుపులపాయ ట్రిపుల్ఐటీలో జనవరి 3, 4 తేదీల్లో అమర్‌రాజా బ్యాటరీస్ నేతృత్వంలో ప్రాంగణ ఎంపికలు జరగనున్నట్లు డైరెక్టర్ కృష్ణారెడ్డి డిసెంబర్ 30న తెలిపారు. ఈ కంపెనీకి కెమికల్, మెకానికల్ ఇంజినీరింగ్ చదివిన అభ్యర్థులు అవసరం అన్నారు. ఇక్కడ ట్రిపుల్ఐటీలో మెకానికల్ ఇంజినీరింగ్ చేసిన 360 మంది, కెమికల్ ఇంజినీరింగ్ చేసిన 134 మంది ప్రాంగణ ఎంపికలకు సిద్ధంగా ఉన్నారని ఆయన తెలియజేశారు. జనవరి నెలలో మరిన్ని కంపెనీలు ప్రాంగణ ఎంపికలకు వస్తాయని ఆయన తెలియజేశారు.

 
Comments Off on 3 నుంచి ట్రిపుల్ఐటీలో ప్రాంగణ ఎంపికలు

Posted by on December 30, 2013 in Uncategorized

 

ఎం.ఇ.ఒ. పోస్ట్లులను భర్తీ చేయాలి: ఎస్టీయూ


ఎం.ఇ.ఒ. పోస్ట్లులను భర్తీ చేయాలి: ఎస్టీయూ

ఈనాడు-హైదరాబాద్: రాష్ట్రంలో ఖాళీగా ఉన్న 950 మండల విద్యా శాఖ అధికారుల పోస్టులను భర్తీచేయాలని రాష్ట్రోపాధ్యాయ సంఘం (ఎస్టీయూ) డిసెంబరు 30న ప్రభుత్వాన్ని కోరింది. పండితులు, పీఈటీ పోస్టుల అప్‌గ్రేడ్ విషయంలో జరుగుతున్న జాప్యాన్ని నివారించి సానుకూల ఉత్తర్వులు వెలువడేలా చర్యలు తీసుకోవాలని సీఎంను కోరినట్లు సంఘం ప్రతినిధులు చెప్పారు.

 
Comments Off on ఎం.ఇ.ఒ. పోస్ట్లులను భర్తీ చేయాలి: ఎస్టీయూ

Posted by on December 30, 2013 in Uncategorized

 

2677 పంచాయతీ కార్యదర్శుల భర్తీ ప్రకటన జారీ


2677 పంచాయతీ కార్యదర్శుల భర్తీ ప్రకటన జారీ

* 4 నుంచి దరఖాస్తుల స్వీకరణ
* ఫిబ్రవరి 23న రాత పరీక్ష
ఈనాడు-హైదరాబాద్: ఎట్టకేలకు పంచాయతీ కార్యదర్శి (గ్రేడ్-4) ఉద్యోగాల భర్తీ ప్రకటనను ఏపీపీఎస్సీ డిసెంబరు 30న జారీచేసింది. రాష్ట్రవ్యాప్తంగా 2677 కార్యదర్శుల ఉద్యోగాల భర్తీకి అవసరమైన రాత పరీక్షను ఫిబ్రవరి 23వ తేదీన ఏపీపీఎస్సీ నిర్వహించనుంది. దరఖాస్తుల స్వీకరణ జనవరి 4న ప్రారంభమై అదే నెల 22వ తేదీ వరకు కొనసాగుతుంది. రాత పరీక్షలో సాధించిన మార్కుల్ని అనుసరించి నియామకాల ప్రక్రియను జిల్లా కలెక్టర్లు చేపడతారని, ధ్రువపత్రాల పరిశీలన తదుపరి చర్యలు జిల్లా స్థాయిలోనే జరుగుతాయని ఏపీపీఎస్సీ వెల్లడించింది.
* 1992లో ఇంటర్ అర్హతతో వీడీఓ ఉద్యోగాల భర్తీకి ఏపీపీఎస్సీ రాత పరీక్ష నిర్వహించింది. వాటి హోదా మార్చి పంచాయతీ సెక్రటరీ ఉద్యోగాలుగా డిగ్రీ అర్హతతో భర్తీ చేయబోతుండడం ఇదే ప్రథమం.
* వయోపరిమితి 36 సంవత్సరాలుగా నిర్దేశించారు. ప్రభుత్వ ఉద్యోగాలకు 34 సంవత్సరాలలోపు వయసుండాలి. అయితే.. 2013 జూన్ 29న ప్రభుత్వం జారీచేసిన ఆదేశాల్ని అనుసరించి మరో రెండేళ్లకు అంటే 36 సంవత్సరాలకు వయోపరిమితిని పెంచారు.
* అర్హత: ఏదేని డిగ్రీ
* రాతపరీక్షలో సాధించిన మార్కుల ఆధారంగానే ఈ నియామకాలు జరుగుతాయి.
* ఫిబ్రవరి 23న రాతపరీక్ష అన్ని జిల్లా కేంద్రాల్లో జరుగుతుంది.
* రెండు విభాగాలుగా రాతపరీక్షను నిర్వహించనున్నారు. పేపరు-1 జనరల్ స్టడీస్-150 మార్కులు, పేపరు-2 గ్రామీణాభివృద్ధి ఆధారంగా 150 మార్కులకు ప్రశ్నలు ఇవ్వనున్నారు. ఒక్కో పేపరును గంటన్నర వ్యవధిలో(అబ్జెక్టివ్ పద్ధతిలో) నిర్వహించనున్నారు.
* జిల్లాలు- పోస్టుల వివరాలు:
శ్రీకాకుళం జిల్లా- 209, విజయనగరం- 201, వైజాగ్- 155, తూర్పుగోదావరి- 70, పశ్చిమ గోదావరి- 25, కృష్ణా- 08, గుంటూరు- 26, ఒంగోలు- 95, నెల్లూరు- 86, చిత్తూరు- 104, కడప- 26, అనంతపురం- 202, కర్నూలు- 164, కడప- 26, మహబూబ్‌నగర్- 350, రంగారెడ్డి- 57, మెదక్- 182, నిజమాబాద్- 66, ఆదిలాబాద్- 241, కరీంనగర్- 88, వరంగల్- 106, ఖమ్మం- 83, నల్గొండ- 133.
Notification

 
Comments Off on 2677 పంచాయతీ కార్యదర్శుల భర్తీ ప్రకటన జారీ

Posted by on December 30, 2013 in Uncategorized

 

PGT TEL ZONE_IV


PGTTELZONE_IV3012

 
Comments Off on PGT TEL ZONE_IV

Posted by on December 30, 2013 in Uncategorized

 

పంచాయతీ కార్యదర్శి పోస్టులకు త్వరలో ప్రకటన * ఏపీపీఎస్సీ ఛైర్మన్ బిశ్వాల్


* ఏపీపీఎస్సీ ఛైర్మన్ బిశ్వాల్
ఈనాడు, హైదరాబాద్: గ్రామ పంచాయతీ కార్యదర్శి పోస్టులకు 30, 31 తేదీల్లో ప్రకటన జారీ చేసేందుకు అవకాశాలను పరిశీలిస్తున్నట్లు ఏపీపీఎస్సీ ఛైర్మన్ బిశ్వాల్ ‘ఈనాడుకు చెప్పారు. మొత్తం 2677 ఖాళీల భర్తీకి ప్రభుత్వం గతంలోనే అనుమతి ఇచ్చింది. ఈ ఏడాది ముగిసేలోగా వీటి భర్తీకి ప్రకటన జారీ చేయాలనే దిశగా ప్రస్తుతం చర్చలు సాగుతున్నాయి. మిగతా శాఖల పోస్టుల భర్తీకి జారీ చేయాల్సిన ప్రకటనలపై ఇంకా ఓ నిర్ణయానికి రాలేదు. విభజన నేపథ్యంలో ప్రకటనలు జారీ చేయాలా వద్దా అన్న దానిపై స్పష్టత కోరుతూ ఆగస్టులో ఇటీవల ప్రభుత్వానికి ఏపీపీఎస్సీ లేఖలు రాసినప్పటికీ తిరుగు సమాధానం రాలేదు. రాజ్యాంగబద్ధంగా ఏర్పడిన ఏపీపీఎస్సీ రాసిన లేఖలకు ప్రభుత్వం తరఫున తాము తిరుగు సమాధానం ఇవ్వడం ఏమిటని ముఖ్యమంత్రి కార్యాలయ వర్గాలు అసహనం వ్యక్తం చేస్తున్నాయి. తిరుగు సమాధానం రాలేదన్న కారణాలతో ఏపీపీఎస్సీ ఉద్యోగాల ప్రకటనలు ఇవ్వలేదు. డిసెంబరు 28న వీఆర్‌వో, వీఆర్ఏ ఉద్యోగాల భర్తీకి రెవెన్యూశాఖ ప్రకటనలు ఇవ్వడంతో ఏపీపీఎస్సీలో అంతర్మథనం మొదలైంది. ఈ ఏడాది చివర్లో పంచాయతీ కార్యదర్శుల ప్రకటన ఇవ్వడానికి సిద్ధమవుతోంది.

 
Comments Off on పంచాయతీ కార్యదర్శి పోస్టులకు త్వరలో ప్రకటన * ఏపీపీఎస్సీ ఛైర్మన్ బిశ్వాల్

Posted by on December 30, 2013 in Uncategorized

 
 
%d bloggers like this: