RSS

వీఆర్వో, వీఆర్ఏలకు అర్హత ఉంటేనే దరఖాస్తు చేయండి

03 Jan

వీఆర్వో, వీఆర్ఏలకు అర్హత ఉంటేనే దరఖాస్తు చేయండి * సీసీఎల్ఏ కార్యదర్శి సూర్యకుమారి సూచన
ఈనాడు, హైదరాబాద్: రెవెన్యూ శాఖ భర్తీ చేస్తున్న గ్రామ రెవెన్యూ అధికారులు (వీఆర్వోలు), గ్రామ రెవెన్యూ సహాయకులు (వీఆర్ఏ) పోస్టులకు దరఖాస్తు చేసుకునే ముందు గ్రామాల వారీగా ఉన్న ఖాళీలు, రిజర్వేషన్ల వారీగా వివరాలను పరిశీలించుకుని ఆ మేరకు అర్హత ఉన్నవారే దరఖాస్తు చేయాలని సీసీఎల్ఏ కార్యదర్శి ఎ.సూర్యకుమారి జనవరి 2న తెలిపారు. పలువురు అభ్యర్థులు ముందుగా ఫీజు చెల్లించి తర్వాత వివరాలను తెలుసుకుని అర్హతలేని వారు ఇబ్బందిపడుతున్నట్లు తమ దృష్టికి వచ్చిందన్నారు. గ్రామాల వారీగా ఉన్న ఖాళీల వివరాలు, రిజర్వేషన్‌ల వివరాలను పరిశీలించుకున్న తర్వాతే ఫీజు చెల్లించి, దరఖాస్తు చేసుకోవాలని కోరారు. రిజర్వేషన్లు, గ్రామాల వారీగా ఖాళీల వివరాలు భూపరిపాలనశాఖ శాఖకు చెందిన వెబ్‌సైట్‌లో అందుబాటులో ఉన్నాయని వివరించారు.
రాష్ట్రంలో ఖాళీగాఉన్న 1657 గ్రామ రెవెన్యూ అధికారులు (వీఆర్వో ), 4305 గ్రామ రెవెన్యూ సహాయకులు (వీఆర్ఏ) పోస్టుల భ‌ర్తీకి నోటిఫికేష‌న్లు జిల్లాల వారీగా డిసెంబ‌ర్ 28న కలెక్టర్లు విడుద‌ల చేశారు. మొత్తం 5,962 పోస్టుల నియామకానికి గాను ప్రకటనలు వెలువడ్డాయి. సెంటర్ ఫర్ గుడ్ గవర్ననెన్స్ (సీజీజీ) ఈ ఉద్యోగాల నియామకానికి అవసరమైన సాంకేతిక పరమైన అంశాల తోడ్పాటును అందిస్తుంది.

 
Comments Off on వీఆర్వో, వీఆర్ఏలకు అర్హత ఉంటేనే దరఖాస్తు చేయండి

Posted by on January 3, 2014 in Uncategorized

 

Comments are closed.

 
%d bloggers like this: