RSS

జూనియర్‌ అసిస్టెంట్ల జాబితా విడుదల

13 Jan

* 17న తిరుపతిలో ధ్రువప్రతాల పరిశీలన
గుంటూరు విద్యుత్తు, న్యూస్‌టుడే : దక్షిణ విద్యుత్తు పంపిణీ సంస్థ (సదరన్‌ డిస్కం) జూనియర్‌ అసిస్టెంట్లు ఎంపిక కోసం 2012 మార్చి 25 న నిర్వహించిన రాతపరీక్ష ఆధారంగా ప్రాథమికంగా ఎంపికైన వారి జాబితాను విడుదల చేసింది. ఈ సంస్థ పరిధిలోని కృష్ణా, గుంటూరు, ప్రకాశం, నెల్లూరు, చిత్తూరు, కడప జిల్లాల్లో ఖాళీలను భర్తీ చేయడం కోసం 2011 డిసెంబరు 14న ఉద్యోగ ప్రకటన విడుదలైంది. న్యాయస్థానంలో వివాదం కారణంగా రెండేళ్లుగా ఈ పోస్టుల భర్తీ నిలిచిపోయింది. గత ఏడాది డిసెంబరు 9న కోర్టు తీర్పు రావడంతో ఎంపిక కార్యక్రమాన్ని పూర్తి చేశారు. రాతపరీక్షలో ప్రతిభ కనబరచిన 142 మంది వివరాలను వెల్లడించారు. జనవరి 17న తిరుపతిలో 1 నుంచి 75 వరకు ఉన్న అభ్యర్థులకు ఉదయం 9 గంటలకు, మిగిలిన వారికి మధ్యాహ్నం 2.30 గంటల నుంచి ఒరిజినల్‌ సర్టిఫికెట్ల పరిశీలన జరగనుంది. జాబితాలో పేరు ఉన్నంత మాత్రాన ఉద్యోగం వచ్చినట్లుగా భావించరాదని ముఖ్య జనరల్‌ మేనేజరు (హెచ్‌.ఆర్‌.డి.) ఏసునాథు తెలిపారు.

 
Comments Off on జూనియర్‌ అసిస్టెంట్ల జాబితా విడుదల

Posted by on January 13, 2014 in Uncategorized

 

Comments are closed.

 
%d bloggers like this: