RSS

అధ్యాపక నియామకాలకు పాలకమండలి పచ్చజెండా

18 Jan

తిరుపతి(ఎస్వీ విశ్వవిద్యాలయం), న్యూస్‌టుడే: శ్రీ వేంకటేశ్వర విశ్వవిద్యాలయం నూతనంగా చేపట్టనున్న అధ్యాపక నియామకాలకు వర్సిటీ పాలకమండలి పచ్చజెండా వూపింది. జనవరి 17న హైదరాబాద్‌లో ఎస్వీయూ ఉపకులపతి ఆచార్య ఉదయగిరి రాజేంద్ర అధ్యక్షతన.. ఉన్నత విద్యాశాఖ ముఖ్యకార్యదర్శి అజయ్‌మిశ్రా, ఆర్థికశాఖ ముఖ్యకార్యదర్శి రమేష్‌, కాలేజియేట్‌ కార్యదర్శి సునీత, రెక్టార్‌ ఆచార్య సుకుమార్‌, రిజిస్ట్రార్‌ సత్యవేల్‌రెడ్డితో కూడుకున్న ఈసీ బృందం ఈ మేరకు నిర్ణయం తీసుకుంది. ఆర్థికశాఖ ఆమోదం తెలిపిన పోస్టులన్నింటికీ పాలకమండలి అనుమతిచ్చినట్లు పరిపాలన విభాగం జారీ చేసిన ప్రకటనలో పేర్కొన్నారు. సుదీర్ఘకాలం తర్వాత నోటిఫికేషన్‌కు అనుమతి రావడం వర్సిటీలో చర్చనీయాంశమైంది. ముఖ్యమంత్రి నియోజకవర్గం పీలేరులో పీజీ సెంటర్‌ స్థాపనకు సైతం పాలకమండలి ఆమోదాన్ని తెలిపింది.

 
Comments Off on అధ్యాపక నియామకాలకు పాలకమండలి పచ్చజెండా

Posted by on January 18, 2014 in Uncategorized

 

Comments are closed.

 
%d bloggers like this: