RSS

ఫిబ్రవరి 9న టెట్

18 Jan

ఫిబ్రవరి 9న టెట్

– ఆమోదం తెలిపిన ప్రభుత్వం
ఈనాడు, హైదరాబాద్: విద్యాశాఖ ప్రతిపాదన మేరకు ఫిబ్రవరి 9న ఉపాధ్యాయ అర్హత పరీక్ష (టెట్) నిర్వహించేందుకు ప్రభుత్వం ఆమోదం తెలిపింది. ఈ విషయాన్ని విద్యాశాఖ సంచాలకులు వాణీమోహన్ జనవరి 17న తెలిపారు. పూర్తి వివరాలను శనివారం చెబుతామన్నారు. టెట్‌కు సుమారు 4.5 లక్షల మంది దరఖాస్తు చేశారు. పరీక్ష జరిగాక ఫలితాల వెల్లడికి కనీసం రెండు వారాలు పడుతుంది. డీఎస్సీ-2014 ప్రకటన జారీపై స్పష్టత రావాల్సి ఉంది. టెట్ ఫలితాలు వెలువడ్డాక డీఎస్సీ నిర్వహణకు కనీసం నెల రోజుల సమయం అవసరమవుతుంది. డీఎస్సీ ప్రకటనను టెట్ ఫలితాల వెల్లడికి ముందుగానే జారీచేస్తారా, లేదా అన్నదానిపై స్పష్టత రావాల్సి ఉంది. ఫిబ్రవరి ఆఖరులో లేదా మార్చి మొదటి వారంలో ఎన్నికల షెడ్యూలు రావొచ్చని భావిస్తున్నారు. దీనిని దృష్టిలో పెట్టుకుని ప్రభుత్వం నిర్ణయం తీసుకోవాల్సి ఉంది.

 
Comments Off on ఫిబ్రవరి 9న టెట్

Posted by on January 18, 2014 in Uncategorized

 

Comments are closed.

 
%d bloggers like this: