RSS

‘రూసా’ కింద రూ.2600 కోట్లతో ప్రతిపాదనలు

30 Jan

ఈనాడు-హైదరాబాద్: రాష్ట్రీయ ఉచ్ఛతర్ శిక్షా అభియాన్ (రూసా) ద్వారా రాష్ట్ర ఉన్నత విద్య రూపురేఖలు మారబోతున్నాయి. కొత్తగా విశ్వవిద్యాలయాలు, ఇంజినీరింగ్ కళాశాలలు రాబోతున్నాయి. అధ్యాపకుల నియామకాలు జరగబోతున్నాయి. ప్రభుత్వ కళాశాలలు సైతం బలోపేతం కాబోతున్నాయి. ఈ పథకంలో తొలివిడత కింద 2,600 కోట్ల రూపాయలమేర నిధులు పొందేందుకు కేంద్ర ప్రభుత్వం రూపొందించిన మార్గదర్శకాలు అనుసరించి ఉన్నత విద్యా శాఖ తగిన ప్రతిపాదనలతో నివేదిక సిద్ధంచేసింది. ముఖ్యమంత్రి కిరణ్‌కుమార్‌రెడ్డి సంబంధిత దస్త్రంపై సంతకంపెట్టిన వెంటనే కేంద్ర మానవ వనరుల శాఖకు ఈ నివేదికను ఆన్‌లైన్ ద్వారా సమర్పించేందుకు ఉన్నత విద్యా మండలి సిద్ధంగా ఉంది. ఒకటి రెండు రోజుల్లో ఈ ప్రక్రియ పూర్తి కానుంది.

 
Comments Off on ‘రూసా’ కింద రూ.2600 కోట్లతో ప్రతిపాదనలు

Posted by on January 30, 2014 in Uncategorized

 

Comments are closed.

 
%d bloggers like this: