RSS

వీఆర్వో, వీఆర్ఏ పరీక్షల తుది కీ విడుదల

10 Feb

వీఆర్వో, వీఆర్ఏ పరీక్షల తుది కీ విడుదల * వీఆర్వో పరీక్షలో ఒక ప్రశ్న తొలగింపు
* రెండు సమాధానాల్లో ఏదీ రాసినా మార్కు
* వీఆర్ఏ కీ యథాతథం
* 20న ఫలితాల విడుదల
ఈనాడు, హైదరాబాద్: గ్రామ రెవెన్యూ అధికారులు (వీఆర్వో), గ్రామ రెవెన్యూ సహాయకులు (వీఆర్ఏ) పరీక్షల తుది కీని ఫిబ్రవరి 10న విడుదల చేశారు. ఈ పోస్టుల భర్తీకి రాత పరీక్షలు ఫిబ్రవరి 2న జరిగాయి. ప్రాథమిక కీపై వచ్చిన అభ్యంతరాలను పరిగణనలోకి తీసుకుని వీఆర్వో ప్రశ్నపత్రంలో ఒక ప్రశ్నను తొలగించారు. వీఆర్వో ప్రశ్న పత్రంలోనే ఒక ప్రశ్నకు రెండు సమాధానాలు సరైనవి కావడంతో రెండు సమాధానాలనూ పరిగణనలోకి తీసుకున్నారు. తుది కీని ఏపీపీఎస్సీ విడుదల చేసింది. ఈ నేపథ్యంలో ఫలితాల విడుదలపై అధికారులు దృష్టి సారిస్తున్నారు. ఈ నెల 20న వీఆర్వో, వీఆర్ఏ పరీక్షల ఫలితాలను ప్రకటిస్తారు. ఇప్పటికే ఓఎంఆర్ షీట్ల స్కానింగ్ పూర్తికావడంతో ఇక ఫలితాలపై దృష్టి పెట్టారు. రాష్ట్రంలో 1657 మంది వీఆర్వోలు, 4305 మంది వీఆర్ఏలను నియమించేందుకు ఈ పరీక్షలు జరిగాయి.
* తొలగించిన ప్రశ్న
ఒక ఘనపు మీటరు ఘన పరిమాణం గల అల్యూమినియంను ఉపయోగించి 1000 చదరపు అడుగుల అల్యూమినియం రేకును తయారు చేశారు. ఆ రేకు మందం సెంటీమీటర్లలో? అనే ప్రశ్నను తొలగించారు.
* రెండు సమాధానాలూ సరైనవే…
కింది రాష్ట్రాల్లో ఆంధ్రప్రదేశ్‌కి సరిహద్దుగా లేనిది? అనే ప్రశ్నకు రెండు సమాధానాలూ సరైనవి కావడంతో ఈ రెండింటిలో ఏది రాసినా మార్కు ఇచ్చేలా కీని సవరించారు. మధ్యప్రదేశ్, కేరళ రాష్ట్రాల్లో ఏది రాసినా సరైన సమాధానమే అవుతుంది.

Advertisements
 
Comments Off on వీఆర్వో, వీఆర్ఏ పరీక్షల తుది కీ విడుదల

Posted by on February 10, 2014 in Uncategorized

 

Comments are closed.

 
%d bloggers like this: