RSS

20 లక్షల ఉపాధ్యాయ పోస్టుల భర్తీకి ప్రణాళిక

24 Feb

20 లక్షల ఉపాధ్యాయ పోస్టుల భర్తీకి ప్రణాళిక

* 2017 నాటికి నూరు శాతం అక్షరాస్యతే లక్ష్యం
* కేంద్ర మానవ వనరుల అభివృద్ధి మంత్రి పళ్లంరాజు వెల్లడి
కాకినాడ – న్యూస్‌టుడే : విద్యార్థులు, ఉపాధ్యాయుల నిష్పత్తి ఆధారంగా దేశంలో 20 లక్షల ఉపాధ్యాయ పోస్టుల భర్తీకి ప్రణాళిక సిద్ధం చేసినట్లు కేంద్ర మంత్రి ఎం.ఎం.పళ్లంరాజు వెల్లడించారు. ఫిబ్రవరి 23న తూర్పుగోదావరి జిల్లా కాకినాడలో సీబీఎస్ఈ ద్వారా నూతనంగా ఏర్పాటు చేసిన ఉపాధ్యాయ శిక్షణ సంస్థ (సెంటర్ ఆఫ్ ఎక్స్‌లెన్స్ ఫర్ టీచర్స్)ను ఆయన ప్రారంభించారు. విద్య, బోధనా ప్రమాణాలు, సదుపాయాల విస్తృతికి 12వ పంచవర్ష ప్రణాళికలో రూ.6,500 కోట్ల నిధులు కేటాయించినట్లు చెప్పారు. ప్రభుత్వ సాక్షరతా కార్యక్రమాల ద్వారా దేశంలో అక్షరాస్యత 74 శాతానికి చేరుకుందన్నారు. ఇందుకు యునెస్కో పురస్కారం లభించిందన్నారు. 2017 నాటికి భారత్‌తోపాటు ఉప ఖండంలో నూరు శాతం అక్షరాస్యత సాధనకు రోటరీ ఇంటర్నేషనల్ సంస్థ కృషి చేస్తోందన్నారు. ఇక్కడ ఏర్పాటు చేసిన సంస్థలో సీబీఎస్ఈ బోధించే పాఠశాలలే కాకుండా అన్ని విద్యాబోర్డుల ఉపాధ్యాయులు శిక్షణ పొందవచ్చన్నారు. కేంద్ర పాఠశాల విద్య,సాక్షరతా శాఖ కార్యదర్శి ఆర్.భట్టాచార్య మాట్లాడుతూ దేశంలో ఇప్పటివరకు 8 సీబీఎస్ఈ ఉపాధ్యాయ శిక్షణ కేంద్రాలు ఉన్నాయన్నారు.

Advertisements
 
Comments Off on 20 లక్షల ఉపాధ్యాయ పోస్టుల భర్తీకి ప్రణాళిక

Posted by on February 24, 2014 in Uncategorized

 

Comments are closed.

 
%d bloggers like this: