RSS

* గత ఏడాది కంటే 7 వేల అధిక దరఖాస్తులు

15 May

* గత ఏడాది కంటే 7 వేల అధిక దరఖాస్తులు
– ఎంసెట్ కన్వీనర్ రమణారావు
ఈనాడు, విశాఖపట్నం: గత ఏడాదితో పోలిస్తే వైద్యవిద్యలో ప్రవేశానికి ఈసారి ఏడు వేల దరఖాస్తులు ఎక్కువగా వచ్చాయని ఎంసెట్-2014 కన్వీనర్ ఎన్.వి.రమణారావు తెలిపారు. ఇంజినీరింగ్‌కు ఎనిమిది వేల దరఖాస్తులు తగ్గాయని చెప్పారు. మే 15న విశాఖ ప్రాంతీయ సమన్వయకర్త ఆచార్య కె.వెంకటసుబ్బయ్యతో కలిసి ఆయన స్థానిక మీడియాతో మాట్లాడారు. ఇంజినీరింగ్, వ్యవసాయ, వైద్య విద్యలో ప్రవేశాల కోసం ఈ నెల 22న 3,95,600 మంది పరీక్షలు రాయనున్నారని చెప్పారు. వీరిలో 2,82,800 మంది ఇంజినీరింగ్, 1,12,800 మంది మెడికల్ అభ్యర్థులు ఉన్నట్లు వివరించారు. రాష్ట్రవ్యాప్తంగా 750 పరీక్ష కేంద్రాలు ఏర్పాటు చేశామన్నారు. అనుమానిత అభ్యర్థులపైన, పరీక్ష కేంద్రాలపెనౖ ప్రత్యేక నిఘా ఉంటుందని రమణారావు తెలిపారు. విశాఖ జిల్లాలో 22 నుంచి 25 పరీక్ష కేంద్రాలపై ప్రత్యేకంగా దృష్టి సారిస్తున్నట్లు వెంకటసుబ్బయ్య చెప్పారు. గతంలో జరిగిన సంఘటనల నేపథ్యంలో 300 మంది అభ్యర్థులపై నిఘా పెట్టామన్నారు. గతంలో ఒకసారి రాసినవారు, వివిధ కోర్సులు చేస్తున్నవారు కూడా మళ్లీ పరీక్షలకు హాజరవుతున్నట్లు గుర్తించామని తెలిపారు.

 
Comments Off on * గత ఏడాది కంటే 7 వేల అధిక దరఖాస్తులు

Posted by on May 15, 2014 in Uncategorized

 

Comments are closed.

 
%d bloggers like this: